Objectivos del IBKA

Proque nos existe

Le historia de humanitate - un historia de inhumanitate. Le religiones organisate contribueva e contribue significantemente a isto. Un fin de intolerantia e violentia religiose non es in vista. In contrario: Il ha a pena un die sin actos de violentia committite per adherentes militante de un religion. Homines qui ha abandonata dogmas religiose frequentemente es socialmente excludite e diffamate como moralmente inferior. Anque in christianitate un tendentia forte a fundamentalismo ha disveloppate usque in le grande ecclesias. Gruppos fundamentalistic ha le objectivo de facer lor valores religiosemente basate obligatori pro le societate tote. Nos non vole acceptar isto jam.

Nostre objectivos

Homines non religiose se reuniva in le liga del non religiose e atheos (Internationaler Bund der Konfessionslosen und Atheisten, IBKA) a complir le derectos human – particularmente le libertate del religion e del conviction – e le separation del ecclesia e del stato. Nos propugna autodetermination individual, vole promover pensar rational e informar re le rolo social de religion organisate. Le principios, objectivos e demandas de IBKA es minutiosemente exponite in le guida politic. Le IBKA criticamente observa le rolo del religion e del communitates religiose in societate. Un demanda politic central del IBKA es le separation del ecclesia e del stato. Iste principio es violate in Germania in multe guisas. Per exemplo per:

  • Concordatos e contractos del ecclesia e del stato
  • Collection del taxa ecclesiasta per le stato
  • Inseniamento religiose separate per confession
  • Education del theologos in universitates, financiate per le stato
  • Assistentia religiosa in fortias armate, financiate per le stato

Ultra isto le ecclesias recipe subsidios del stato e es quasi completemente exempte del taxas e derectos. Le exir del ecclesia al contrario nunc es impedite quasi ubique in Germania per un derecto. Es un scandalo particular que le facilitates del ecclesias es exempte del jure del labor – con consequentias adverse pro un multitude del empleatos. Il es frequentemente tacite que institutiones ecclesiastic es financiate solmente in parte parve per les ecclesias mesme. Quando on additionalmente considera le formas varie de financiamento del ecclesias per le stato, le discarga putative del budgets public per le activitates social del ecclesias completemente evanesce. A causa del principio de tractamento equal, le privilegios del ecclesias pote esser conservate solmente si illos es extendite a plus de communitates religiose. In loco de isto le IBKA demanda le abolition general del privilegios del communitates religiose. Semper de nove un protection special de sentimentos religiose es demandate per religioses. Essentialmente illo es un demanda de censura. Le IBKA se firmemente oppone a tal tentativas de censura – si istos veni de gruppos christian o islamic.

English | Deutsch